Nanguna sina Governor Amado I. Espino III at Pangasinan Provincial Employment and Services Officer (PESO) Alex F. Ferrer sa isinagawang 2021 Pangasinan Migration and Development Council (PMDC) Year-End Assessment Meeting sa Narciso Ramos Sports and Civic Center Gymnasium ngayong December 10, 2021.
Dumalo sa programa ang mga Local Migrant Desk Officers at Overseas Filipino Workers (OFW) Family Association Presidents mula sa iba’t-ibang distrito sa probinsya.
Sa kanyang mensahe, nagpasalamat si Governor Amado I. Espino III sa mga sakripisyo at pagkakaisa ng mga Pangasinense sa patuloy na pagbaba ng kaso ng COVID-19 sa probinsya. Hiniling rin niya ang patuloy na pag-iingat ng bawat isa at ang patuloy na pagmamahal ng mga Pangasinense sa probinsya.
Ayon kay PMDC Head of Secretariat at Pangasinan PESO Chief Alex Ferrer, ang layunin ng meeting ay para magkaroon ng updates ang mga Pangasinense sa mga programang ipinapatupad ng iba’t-ibang ahensiya ng gobyerno at ng Provincial Government sa ilalim ng pamumuno ni Governor Amado I. Espino III.
Bilang PMDC Chairman, nagpaabot rin ng video message si Board Member Margielou Orange Humilde-Verzosa sa programa.
Ilan sa mga napag-usapan sa meeting ay mga highlights sa accomplishments ng PMDC at mga updates sa mga programa ng Provincial Government sa Migration and Development Projects at mga programa ng national agencies tulad ng: Overseas Workers Welfare Administration, Department of Labor and Employment, Philippine Overseas Employment Administration, Department of Foreign Affairs, at Department of Trade and Industry.
/Wilhelmina Rosario (Photos by Senielda Reyes)
